శరీరంలో అధిక వేడిని తగ్గించే చక్కని మార్గాలు!

సాధారణంగా వేసవి కాలం వచ్చిందంటే.. అధిక వేడికి అన్ని వయసుల వారు ఇబ్బందులు ఎదుర్కొంటారు. రోజురోజుకూ ఎండలు తీవ్రం అవుతుంటాయి. దానివల్ల వాతావరణంలో వేడి అధికంగా పెరిగిపోయి.. అది మన శరీరంపై ప్రభావం చూపిస్తుంది. ఫలితంగా డీహైడ్రేషన్, వడదెబ్బ, చర్మ సమస్యలతో పాటు జీర్ణ సమస్యలు కూడా తలెత్తుతుంటాయి. మరి ఈ మండు వేసవిలో మన శరీర ఉష్ణోగ్రతను కంట్రోల్ లో ఉంచుకోవడానికి కొన్ని సహజ సిద్ధమైన మార్గాలు ఉన్నాయని నిపుణులు చెబుతున్నారు. మరి ఆ మార్గాలేంటో ఇప్పుడు చూద్దాం!

వేసవిలో శరీర ఉష్ణోగ్రత పెరగడానికి ప్రధాన కారణాలు ఏంటంటే..

అధిక ఉష్ణోగ్రతలు: వాతావరణంలో అధిక వేడి వల్ల శరీర ఉష్ణోగ్రత పెరిగిపోతుంది
డీహైడ్రేషన్: తగినంత నీరు తాగకపోతే శరీరంలో నీటి శాతం తగ్గి వేడి పెరుగుతుంది
ఆహారపు అలవాట్లు: మసాలా ఆహారాలు, వేయించిన పదార్థాలు శరీర ఉష్ణోగ్రతను పెంచుతాయి.
ఒత్తిడి: మానసిక ఒత్తిడి కూడా శరీరంలో వేడిని పెంచే అవకాశం ఉంటుంది

శరీర ఉష్ణోగ్రతను తగ్గించే కొన్ని మార్గాలు

1. హైడ్రేషన్‌

రోజుకు కనీసం 2.5-3 లీటర్ల నీరు తాగాలి. మీ శరీర బరువు మరియు శారీరక శ్రమ ఆధారంగా నీటి అవసరం మారుతూ ఉంటుంది.
ఎలక్ట్రోలైట్ డ్రింక్స్: కొబ్బరి నీళ్లు, నిమ్మరసం, ఓఆర్‌ఎస్ (Oral Rehydration Solution) వంటివి శరీరంలో ఉప్పు మరియు నీటి సమతుల్యతను కాపాడతాయి.
మజ్జిగ: రోజూ ఒక గ్లాసు మజ్జిగ తాగడం వల్ల శరీరం చల్లగా ఉంటుంది మరియు జీర్ణక్రియ మెరుగవుతుంది.

2. చల్లదనాన్ని అందించే ఆహారాలు

పండ్లు: పుచ్చకాయ, బత్తాయి, ద్రాక్ష, ఆరెంజ్, అనాస వంటి నీటి శాతం ఎక్కువగా ఉండే పండ్లను తినాలి
కూరగాయలు: దోసకాయ, బీరకాయ, క్యారెట్‌లను సలాడ్‌గా తీసుకుంటే.. ఇవి శరీరానికి చల్లదనాన్ని అందిస్తాయి.
తేలికపాటి ఆహారం: పెరుగు అన్నం, గోధుమ రొట్టెలు, ఇడ్లీ, దోసె వంటి తేలికైన ఆహారాలను తీసుకుంటే మంచిది.

3. వేడి పెంచే ఆహారాలకు దూరంగా ఉండండి

మసాలా ఆహారాలు, వేయించిన పదార్థాలు, ఎక్కువ నూనె ఉన్న వంటకాలు, అధిక ప్రోటీన్ ఉన్న నాన్-వెజ్ ఆహారాన్ని తగ్గించాలి.
కెఫీన్ మరియు ఆల్కహాల్ తీసుకుంటే కూడా శరీరానికి డీహైడ్రేషన్‌ కలిగిస్తుంది. కాబట్టి వీటిని మితంగా తీసుకుంటే మంచిది.

4. సహజంగా చల్లదనం అందించే పదార్థాలు

పుదీనా: పుదీనా ఆకులను నీటిలో లేదా టీలో కలిపి తాగితే శరీరాన్ని త్వరగా చల్లబరుస్తుంది
ధనియాలు: ధనియాల గింజలను రాత్రంతా నీటిలో నానబెట్టి ఉదయం ఆ నీటిని తాగితే మేలు చేస్తుంది
సబ్జా గింజలు: సబ్జా గింజలను నీటిలో నానబెట్టి తాగడం వల్ల శరీర ఉష్ణోగ్రత తగ్గుతుంది

5. చర్మ సమస్యల నుండి రక్షణ

వేసవిలో చర్మంపై మంట, దద్దుర్లు లాంటి సమస్యలు వస్తుంటాయి. అప్పుడు చందనం పొడిని రోజ్ వాటర్ తో కలిపి రాయడం లేదా కలబంద జెల్ ఉపయోగిస్తే చర్మానికి చల్లదనం లభిస్తుంది
తాజా పెరుగును చర్మంపై పూయడం కూడా ఉపశమనం కలిగిస్తుంది.

6. ఆరోగ్యకరమైన జీవనశైలి

వదులైన దుస్తులు ధరించాలి: వదులైన కాటన్ దుస్తులు ధరించాలి. ఇవి శరీరానికి సౌకర్యవంతంగా ఉంటూ, గాలి ఆడేలా చేసి చల్లగా ఉంచుతాయి.
ఎండలో బయటకు వెళ్ళకండి: మధ్యాహ్నం 12 నుండి 3 గంటల మధ్య ఎండలో బయటకు వెళ్లకపోవడం మంచిది
చన్నీటి స్నానం: రోజుకు రెండుసార్లు చల్లని నీటితో స్నానం చేయడం వల్ల శరీర ఉష్ణోగ్రత కంట్రోల్ లో ఉంటుంది

7. వ్యాయామం మరియు విశ్రాంతి

ఉదయం లేదా సాయంత్రం వేళల్లో తేలికపాటి వ్యాయామం లేదా యోగా చేయడం మంచిది
ప్రాణాయామం: శ్వాసకు సంబంధించిన వ్యాయామాలు శరీరాన్ని చల్లబరుస్తాయి.
ఇక రాత్రి 7-8 గంటల నిద్ర తప్పనిసరి అని నిపుణుల సూచన

తీవ్రమైన లక్షణాలకు తగిన వైద్య సహాయం

అధిక జ్వరం లేదా తీవ్రమైన తలనొప్పి
మైకము, వాంతులు లేదా అలసట
చర్మంపై తీవ్రమైన దద్దుర్లు లేదా మంట
శ్వాస తీసుకోవడంలో ఇబ్బంది

ఇలా ఎటువంటి సమస్య ఎదురైనా.. మా ‘మెడ్ యునైటెడ్’ వైద్య నిపుణులు మీకు సహాయం అందించేందుకు ఎల్లవేళలా సిద్ధంగా ఉన్నారు. ఎలాంటి వైద్య సహాయం అవసరమైనా వెంటనే 9851247365 నెంబర్ కి కాల్ చేయండి.
వైద్యుల సలహాలను పాటించి, ఆరోగ్యకరమైన వేసవిని ఆస్వాదించండి.